इन्द्रेणी संवाददाता
दाङ २१ असार । दोश्रो चरणको स्थानीय निर्वाचनमा दाङको घोराही उपमहानगरमा नेकपा एमाले नेपाली कंग्रेस र माओवादीबीच त्रिपक्षिय चुनावी भिडन्त भयो, कुल खसेको मत ५८,५३९ मध्ये प्रतिस्पर्र्धी एमालेका पोल्टामा २२०३० मत खस्यो, मुख्य दलहरुको साख र प्रतिस्ठाको नगर मानिएको घोराहीमा नगरबासीले एमालेलाई विश्वास गरि मत जाहेर गरे । जनताको अभिमतले एमालेका उम्मेदवार नरुलाल चौधरीको पक्षमा बहुमत खस्यो । समग्र घोराही नगरको भविस्य बनाउने जिम्मा एमालेका उम्मेदवार नरुलाल चौधरीलाई दिए नगरबासीले ।
सबैको चासो र सराकारको केन्द्र बनेको घोराही उपमहानगरपालिकाको मेयर बन्ने अवसर असार १४ गते नरुलाल चौधरीलाई मिलेपछि उनी नयाँ जिम्मेवारीकासाथ नगरको आशाका केन्द्र बनेका छन् । नेकपा एमालेको तर्फबाट मेयर पदमा उम्मेदवार बनेका किसान नेता नरुलाल चौधरी अत्यधिक मतकासाथ भए । स्थानीय तहको दोस्रो चरणको निर्वाचन अन्तगर्त यही असार १४ गते सम्पन्न निर्वाचनको अन्तिम मतपरिणाम उनको पक्षममा जनमतले अनुमोदन गरिदियो ।
राजनीतिक, सामाजिक, साँस्कृतिक र समाजका अन्य धेरै पाटाहरुमा लामो अनुभव बटुलेका चौधरीले कूल खसेको मतमा २२ हजार तीस मत प्राप्त गरि मेयर पदका लागि योग्य ठहरिए । कंग्रेसको अखडाको रुपमा चिनिने घोराहीमा उने एमालेको विजयीको झण्डा फहराउन सफल भए । निकत्म प्रतिद्धन्द्धी नेपाली कंग्रेसका भुपबहादुर डाँगीलाई ४ हजार ५ सय ४६ मतले अन्तरले पराजित गरि आगामी पाँच वर्षको लागि भँुइ तहको सरकारको प्रमुखमा जनअनुमोदित भए । जनताले आफुलाई सार्वभौम मतद्वारा जिम्मेवारी सुम्पेको उनले धन्यवाद दिदै समृद्ध नगर बनाउने बचन दिए ।
यसका साथै एमालेकै तर्फबाट २०५४ सालमा साविकको रामपुर गाविसको अध्यक्षमा निर्वाचित भएर काम गरेका अनुभव संगालेका छन् तत्कालीन स्थानीय निकायमा पाँच वर्षे अनुभव संगालेका चौधरीले विभिन्न विकासका काम गरेका थिए, मृदुभाषी स्वाभावका चौधरी सक्षम किसान पनि हुन् व्यवसायीक कुखुरा पालन गरेर सफल किसानको परिचय बनाएका चौधरी राजनीतिको सिढीले यतिबेला घोराही उपमहानगरको नेतृत्व हाँक्न पुगेका छन् । तत्कालीन रामपुर गाविसको अध्यक्ष हुँदा चौधरीले दुर्गमा गाँउबस्तीमा पूर्वाधार तथा सामाजिक विकासका धेरै काम भएका थिए । किसानको पृष्ठभूमिबाट राजनीतिक यात्रामा रहेका नरुलालले आफ्नै पहलमा रामपुरलाई दाङको कृषिको पकेट क्षेत्र घोषणा गर्न विशेष पहल गरे ।
राजनीतिमा प्रवेश गर्नु अगाडि दुईवर्ष शिक्षक र दुईवर्ष रेडियो नेपालको पत्रकारिताको जागीर समेत खाएका चौधरीले पछिल्लो तीनदशक यता राजनीतिलाई नै मुख्य कर्म बनाएर अगाडि बढीरहेका छन् । जसको परिणाम उनी संघीय गणतन्त्र नेपालको पुर्न संरचना अनुसार बनेका नयाँ संरचनाको स्थानीय सरकार घोराही उपमहानगरको प्रमुखमा जनताको सार्वभौम मतले पुगेका छन् । भर्खरै सम्पन्न स्थानीय तह निर्वाचनले उनलाई निर्वाचित गरेको छ, जनताको व्यग्र अपेक्षाको भारी बोकेर उनी नगरमा प्रवेश गरेका छन् । नगरको पूर्वाधार पर्यटन बाताबरणको क्षेत्रमा काम गर्दै नमुनायोग्य शहर बनाउने बाचा गरे ।
हो यतिबेला स्थानीय तहको सरकार संचालनको साँचो नरुलाल चौधरीको हातमा जनताले थमाइदिएका छन्, राजनीतिक स्वार्थ भन्दा माथि उठेर काम गर्ने उनले उदघोष गरेका छन् सन्दर र सफा हरित पर्यटनमैत्री नगर बनाउने उनको प्रतिवद्धता यो प्रतिवद्धतालाई अक्षरस कार्यान्वयन गर्न सकून हाम्रो पनि शुभकामना छ ।