तुलसीपुरका व्यापारी श्रेष्ठको शव जंगलमा भेटियो

इन्द्रेणी संवाददाता
दाङ, १६ असार । जेठ २६ गते अपहरणमा परेका दाङ तुलसीपुरका व्यापारी राजकुमार श्रेष्ठ मृत अवस्थामा फेला परेका छन् । उनको शव सल्यानको पाथिभरा लेकको जंगलमा फेला परेको प्रहरीले जनाएको छ ।

अपहरणको आरोपमा केही व्यक्तिहरु पक्राउ भएका र उनीहरुकै वयानका आधारमा शव फेला पारिएको प्रहरीले जनाएको छ । तर उनीसँगै अपहरणमा परेका रणबहादुर घर्तिको अवस्था भने अझै अज्ञात रहेको छ । शब केही वेरमा हेलिकोप्टरबाट दाङ ल्याउने तयारी भइरहेको प्रहरीले बताएको छ ।