सिंह दरबारको अधिकार गाउँमा आयो अब यसलाई जोगाउनुहोस : उपप्रधानमन्त्री महरा

दाङ २, असार । उपप्रधान तथा परराष्टमन्त्री महराले सिंहदरबारको अधिकार गाउँगाउँमा ल्याएको र यसलाई जनताहरुले जोगाएर राख्नुपर्ने बताएका छन ।

घोराही उपमहानगरपालिका वडा नं १३ ले आयोजना गरेको मतदाता भेटघाट कार्यक्रममा मतदाता हरुलाइ महराले भने हामीले परिकल्पना गरेको नयाँ नेपाल यहि हो । अब यसलाई जोगाएर राख्ने र जनताको अधिकार स्थापित गर्नुपर्छ ।

हिजो गोलि चलाएर देश परिवर्तनको समरमा हिडेका माओवादी आज बोलीबाट देश चलाउने यात्रामा भएको स्मरण गर्दै महराले भन्नुभयो – सिंह दरबारमा कम संघर्ष गरेर यो अधिकार आएको होइन।