माटोको ढिस्कोले पुरिदा एक जनाको ज्यान गयो

राजेन्द्र न्यौपाने
गोरखा, २७ जेठ । सिरानचोक गाउँपालिका वडा नं. ५ छोप्राक स्थित जाईकाले बनाईदिएको नयाँ वभनमा रिटेनिङ वाल लगाउने क्रममा माटोको ढिस्को पुरिएर एक जनाको ज्यान गएको छ ।

मृत्यु हुनुमा नवलपरासी जिल्ला गैंडाकोट वडा नं. ९ थुम्से घर भएका गोविन्द सुवेदी रहेका छन् । स्थानीय र प्रहरीको सहयोगमा माटोबाट निकालेर उपचारका लागि गोरखा अस्पताल ल्याउदै गर्दा उनको मृत्यु भएको हो ।

सोही स्थान निवासी १८ वर्षका सुवास गन्धर्वको उपचार भईरहेको जिल्ला प्रहरी कार्यालय गोरखाले जानकारी दिएको छ । घटना आज विहानको हो ।