एक युवकको बेवारिसे सव भेटियो

विराटनगर, २३ जेठ । मोरङमा आज एक बेवारिसे युवक मृतावस्थामा फेला परेको छ । मधुमल्लास्थित वडा नं २ र ४ को बीचमा अवस्थित नुनसरी खोलामा तराईमूलको जस्तो देखिने करिब २० वर्षको युवक मृतावस्थामा फेला परेको जिल्ला प्रहरी कार्यालय, मोरङले जनाएको छ ।

ती युवकलाई खोलाले बगाउँदै गरेको अवस्थामा स्थानीयवासीले देखेपछि प्रहरीलाई खबर गरेका थिए । ती युवकको हात, खुट्टा र टाउकोमा लागेको देखिएकाले यस विषयमा थप अनुसन्धान भइरहेको छ ।