जीप दुर्घटनामा एकको मृत्यु १३ घाइते

माधव बेल्वासे
कपिलवस्तु, २९ चैत । कपिलवस्तुको महराजगंज नगरपालिका–१ औरहवामा मंगलवार दिउँसो ३ वजे जिप दुर्घटना हुदाँ एक जनाको मृत्यु भएको छ भने १३ जना घाइते भएका छन् ।

जिल्लाको तौलिहवादेखि वहादुरगंजतर्फ जादै गरेको मे १ ज १३१ नम्बरको जीप औरहवा गाँउमा जिप अनियन्त्रित भई पल्टिदा घटना भएको प्रहारीले जनाएको छ । मृत्यु हुनेमा शिवराज नगरपालिका १३ बस्ने ३८ बर्षिय महेन्द्र शुक्लाको उपचारको क्रममा जिल्ला अस्पताल तौलिहवामा मृत्यु भएको जिल्ला प्रहारी कार्यलय कपिलवस्तुले जनाएको छ ।

घाइतेहरु मध्ये जवभारी १ बस्ने हाकीम मुसालमानको अवस्था चिन्ताजनक रहेको जिल्ला प्रहारी कार्यलय कपिलवस्तुले जनाएको छ । अन्य घाईते सामान्य रहेकको र सम्पुर्णको उपचार जिल्ला अस्पताल तौलिहवामा भईरहेको प्रहारीले जनाएको छ ।