काठमाडौं २५ चैत । सर्वोच्च अदालतले पशुपतिनाथलगायत धार्मिक र साँस्कृतिक स्थलमा बाँदरको आक्रमण रोक्न विहीबार सरकारका निकायलाई अन्तरिम आदेश दिएको छ । सर्वोच्चका न्यायाधीश ईश्वर खतिवडाको एकल इजलासले पशुपति क्षेत्र विकास कोष, स्वास्थ्य मन्त्रालय, संस्कृति पर्यटन तथा नागरिक उड्डयन मन्त्रालय र प्रधानमन्त्री तथा मन्त्रिपरिषद कार्यालयका नाममा अन्तरिम आदेश जारी गरेको हो।
सर्वोच्चले बाँदरको आक्रमण रोकेर मानव स्वास्थ्य रक्षाका लागि आबस्यक उपाय अबलम्बन गर्न, बाँदरको ज्यादतीमा सजगता अपनाउन र भक्तजनको सुरक्षामा उचित व्यवस्थापन गर्न अन्तरिम आदेश दिएको हो । सम्मानपूर्वक बाँच्न पाउने हक, धार्मिक स्वतन्त्रता, स्वच्छ वातावरण र स्वास्थ्यको हक कुण्ठित भएको जिकिरसमेत उनको छ ।