प्रेसरको औषधि खाँदा एसइइ दिदै गरेकी छात्राको मृत्यु

बैतडी, ९ चैत । उच्चरक्तचापको औषधि खाँदा माध्यमिक शिक्षा परीक्षा (एसइइ) परीक्षा दिइरहेकी बैतडीमा एक परीक्षार्थीको अन्जानमा ज्यान गएको छ ।

दशशथचन्द नगरपालिका–५ का १८ वर्षका कैलाश दमाईको ज्यान गएको जिल्ला प्रहरी कार्यालयका प्रहरी नायब उपरीक्षक हेरम्ब शर्माले जानकारी दिए  ।

कैलाशले सोमबार आमाका लागि ल्याएको रक्तचापको औषधी सेवन गरेको र थप उपचारका लागि कैलाली लैजाँदै गर्दा मंगलबार बिहान बाटो मै ज्यान गउको प्रहरीले बताएको छ । दशरथचन्द मावि सुन्दरखालीमा अध्ययनरत कैलाश शाहीलेकमा रहेको वीरेन्द्र मावि केन्द्रबाट एसइइ परीक्षा दिइरहेकी थिइन् ।