काठमाडौं, ६ चैत । सरकारले स्थानीय तहको निर्वाचनमा सुरक्षाका लागि नेपाली सेनासँग सहयोग लिने भएको छ । केन्द्रीय सुरक्षा समितिले निर्वाचनसम्बन्धी विशेष प्रस्ताव पास गर्दै नेपाली सेनासहित नेपाल प्रहरी, सशस्त्र प्रहरी र राष्ट्रिय अनुसन्धान विभागका कर्मचारी तथा म्यादी प्रहरी गरी ठूलो संख्यामा सुरक्षाकर्मी परिचालन गर्ने निर्णय गरेको हो ।
यतिबेला चारवटै सुरक्षा निकाय पूर्वी पहाड र तराईका जिल्लामा हुन सक्ने सम्भावित सुरक्षा खतरा र त्यसको समाधानमा केन्द्रित रही सूचना संकलन गरिरहेका छन् । केही दिनअघि गृह मन्त्रालयमा बसेको सुरक्षा समितिले घोषित मितिमै स्थानीय तहको निर्वाचन हुने भएकाले सोहीअनुसार कार्ययोजना बनाएर कार्यक्षेत्रमा लाग्न सुरक्षा निकायलाई निर्देशन दिएको थियोे । सोहीअनुसार सुरक्षा निकायले आफ्नो काम अघि बढाएको हो ।
आगामी ३१ वैशाख २०७४ मा घोषित स्थानीय तहको निर्वाचनमा सबै सुरक्षा निकाय गरी २ लाख २६ हजार सुरक्षाकर्मी परिचालन गर्ने निर्णय गरिएको गृह मन्त्रालयले जनाएको छ । उपप्रधान तथा गृहमन्त्री विमलेन्द्र निधि भारत भ्रमणमा जानुअघि बसेको सो बैठकले निर्वाचनको आवश्यक तयारी पूरा गरेर योजनाअनुसार अघि बढ्न सुरक्षा निकायका प्रमुखहरूलाई निर्देशन दिएको हो । राजधानीबाट