नेपाल–भारत सीमा नाका तीन दिनका लागि बन्द

बाँके, १४ फागुन । नेपाल–भारत सीमा नाका आजबाट तीन दिनसम्मका लागि बन्द भएका छनु । भारतको उत्तर प्रदेशमा फागुन १६ गते हुन लागेको विधान सभा २०१७ लाई मध्यनजर गरी नेपाल–भारत सीमा नाका बन्द गरिएको हो ।

आज विहान ७ बजेदेखि नाका शील गरिएको बाँके प्रशासनले जनाएको छ । भारतको बहराइच र श्रावस्तीमा निर्वाचन हुने भएकोले २४ घण्टा अघिदेखि नै नाका बन्द गरिएको हो । आज बिहान ७ बजेदेखि बन्द गरिएको नाका फागुन १६ गते साँझ ६ः३० पछि मात्रै खुल्ला हुनेछ ।

उक्त अवधिमा सवारी साधन तथा ढुवानीका साधन संचालनमा नल्याउन प्रशासनले आग्रह गरेको छ । एम्बुलेन्सलगायत अत्यावश्यक सामग्री ढुवानीका लागि दुवै देशका अधिकारीको रोहवरमा गर्न सकिने छन् ।