जनक नेपाली
दाङ । घोराही स्थित राप्ती उपक्षेत्रिय अस्पताल परिसरमै एक वालिक एक महिना देखि अलपत्र अबस्था रहेकी छिन । अस्पताल परिसरको आपको चौतारा उक्त बालिक अलपत्र अबस्थामा भेटिएकी हुन । विरामीले थलिएकी वालिकाको नाम ठेगाना भने खुल्न सकेको छैन । अन्दाजी १८ बर्षकी उमेर बालिकालाई घर परिवारले अलपत्र अबस्थामा छोडेको अस्पतालमा कार्यरत कर्मचारीले वताएका छन् । अस्पताल परिसरमै अलपत्र अबस्था रहेकी बालीकाले आपको चौतारोमा रात काटेदै आएकी हुन । दिशा पिसाव समेत कपडामा गर्ने भएका कारण हाल अलपत्र अबस्था रहदै आएको अस्पतालमा कार्यरत अहेब रमिता गौतमले वताउनुभयो ।
बालिकको उद्धारका लागि कुनै पनि संघ संस्थाले पहल नगरेकोमा दुःख व्यक्त गर्नुभयो । विरामीलाई रोल्पा गौरीगाउँ हाल घोराही ११ मा बस्दै आएकी सपना बुढाले विरामीको रेखदेख गर्दै आउनु भएको छ । आफुले ससुरालाई अस्पताल लिएर आएको वेला उनलाई भेटेको भन्दै उनको खानाको व्यवस्था आफुले गर्दै आएको वताउनुभयो । मैले वालिकालाई देखे त्यसदिन देखी दुःखीको आफ्नो कर्तव्य ठानेर दैनिक खाना खुवाउदै आएको छु भन्नुभयो ।
अस्पतालमा आधारित लैङ्गिक हिंसामा आधारित एकद्धार सङ्कट व्यवस्थापन ओ.सि.एम. सि.ले बालिकको औषधीको व्यवस्थापन गर्दै आएको ओ.सि.एम. सि.का प्रमुख राधा पौडेलले जानकारी दिनुभयो । अलपत्र बालिका केहि दिन देखि विरामी परेका कारण उनको उपचारका लागि औषधीको जोहो गरेको वताउनुभयो । बालिका मानसिक विरामी जस्तो देखिएको कारण औषधी चलाएको प्रमुख पौडेलले वताउनुभयो । यस बाहेक उनको उद्धारका लागि विभिन्न संघ संस्था संग पहल भैरहेको उल्लेख गर्नुभयो । ओ.सि.एम. सि.मार्फत विहान दुध र औषधीको व्यवस्था मिलाएको प्रमुख पौडेलको भनाई छ ।