महिलामाथि जवरजस्ती गर्न खोज्नेको हत्या

धनकुटा, ६ माघ । महिलालाई बलात्कार गर्न खोज्ने धनकुटाको महाभारतका ३५ वर्षे तिलक राईको हत्या भएको छ । धनकुटाको एक महिलाको कोठामा पसेर बलात्कार गर्न खोजेपछि उनको हत्या भएको स्थानीयबासिन्दाले प्रहरीलाई बयान दिएका छन् ।

बलात्कार गर्न खोजेपछि महिलाले झोलाको डोरीले घाँटी थिचेर राईको हत्या गरेको स्थानीयबासीले प्रहरी समक्ष बयान दिएका छन् । श्रीमान् बैदेशिक रोजगारीमा गएको र घरमा एक्लै भएको मौका छोपेर कोठामा पसेका तिलकले बलात्कार गर्न खोजेका थिए ।

हत्या भएपछि फरार रहेकी महिलाको खोजी भइरहेको धनकुटाका प्रहरी उपरीक्षक सुदिप राजभण्डारीले बताए ।