साथीको घर जान्छु भनि हिँडेका बालक ११ दिन देखि बेपत्ता

इन्द्रेणी संवाददाता
दाङ, १४ जेठ
दाङको देउखुरी उपत्यका अन्र्तगतको लालमटिया ९ पिपरखुट्टीका एक बालक बिगत ११ दिनदेखि बेपत्ता भएका छन् ।

जेठ ३ गते घरबाट साथिको घरमा जान्छु भनि निस्केका लालमटिया ९ पिपर खुट्टिीको १२ बर्षीय बालक कमल गुरुङ हालसम्म पनि घरमा नआएको र आफन्तकोमा पनि कतै फेला पार्न नसकिएको आमा लक्ष्मि गुरुङ्ले बताउनुभएको छ ।

लालमटिया स्थित श्री जनज्योति नि.मा. वि नयाँ गाँउमा कक्षा ४मा अध्यनरत गुरुङ जेठ ३ गते बिहान ८ बजे घरबाट निस्केपनि हालसम्म घरमा नआएको र आफन्तकोमा पनि नभेटिएकोले खोजी गरिदिन आफन्तले सम्बन्धित पक्षलाई आग्रह गरेका छन् ।।