अब टेलिकममा पनि ब्यालेन्स सकिँदा सापटी सेवा

काठमाडौं, २५ पुस । नेपाल टेलिकमले पनि आफ्ना ग्रहकका लागि ब्यालेन्स सकिँदा सापटी सुविधा दिने भएको छ । उक्त नयाँ सेवाको लागि नेपाल टेलिकमको प्रविधिक तयारी अन्तिम चरणमा पुगेको नेपाल टेलिकमले जनाएको छ ।

टेलिकमको प्रतिस्पर्धी संस्था एनसेलले यस भन्दा धेरै अघिदेखि नै ब्यालेन्स सपाटी लिने सेवा सुरु गरेको हो । जुन सुविधा युवा पुस्तामा निकै लोकप्रिय हुन पुग्यो ।

अहिले नेपाल टेलिकमले पनि त्यसैलार्ई पछ्याउँदै नेपाल टेलिकमबाट पैँचो लिने सुविधा सुरु गर्न लगेको हो । तर अहिले नै कति रकम रकमसम्म सापटी लिन पाउने भन्ने टुंगो लागि नसकेको टेलिकमका एक उच्च अधिकारीले बताए ।