सुन प्रकरण पाँच सदस्य छानविन समिति गठन, २९ जना कर्मचारी छानविनको घेरामा

काठमाडौं, पुस २२ – त्रिभुवन अन्तर्राष्ट्रिय विमानस्थलबाट अवैध रुपमा बाहिरिएको ३३ किलो सुनको बारेमा छानविन गर्न पाँच सदस्य छानविन समिति गठन गरेको छ ।

विमानस्थलका उपमहानिर्देशक सुमन दाहालको संयोजकत्तोमा पाँच सदस्य छानविन समिति गठन गरिएको हो । समितिमा दाहालसहित कुलराज ज्ञवाली, टंक पाण्डे, कानुन मन्त्रालयका एक जना प्रतिनिधि र भन्सार अधिकृत पुन्यविक्रम खड्का छन् ।

समितिले भन्सार विभागका २९ जना कर्मचारीलाई जिम्मेवार बिहिन बनाएर अनुसन्धान सुरु गरेको भन्सार विभागका महानिर्देशक शिशिरकुमार ढुङ्गानाले जानकारी दिनुभयो । समितिले १० दिन छानविन गरेर प्रतिवेद बुझाउनु पर्नेछ ।