अभिनय गर्दागर्दै ढले हास्य अभिनेता विष्णुभक्त फुयाँल

काठमाडौं- अभिनेता विष्णुभक्त फुयाँलको आज मंगलबार अभिनय गर्दागर्दै निधन भएको छ । राजधानीको राष्ट्रिय नाचघरमा नाटक अभिनय गर्दागर्दै कलाकार फुयाँल बेहोस भएका थिए ।

नाटकमा अभिनयका क्रममा बेहोस भएका फुयाँल बेहोस भएका फुयाँलको वीर अस्पताल पुर्याएपछि निधन भएको उनीसँगै अभिनय गरिरहेका शिरोमणि दवाडीले जानकारी दिए । अस्पताल पुर्याउने बित्तिकै चिकित्सकले उनको निधन भएको घोषणा गरेका थिए । फुयाँल नेपाली रंगकर्मका चर्चित रंगकर्मीका रुपमा चिनिन्थ्ये ।

कलाकार फुयाँलले टेलिभिजनको हास्य सिरियल ‘तितो सत्य’ मा लामो समय अभिनय गरेका थिए । विभिन्न चलचित्र र गीतमा समेत अभिनय गरेका कलाकार फुयाँल नाट्य क्षेत्रमा समेत सक्रिय अभिनेता हुन् ।