सल्यानमा ट्रयाक्टर दुर्घटना हुँदा एक जनाको मृत्यु

सल्यान, ३ पुस । सल्यानको धनवाङ पेदीखोलामा ट्रयाक्टर दुर्घटना हुँदा एक जनाको ज्यान गएको छ ।

सल्यानको श्रीनगरबाट कपुरकोटका लागि छुटेको भे १ त ५२९२ नम्बरको ट्रयाक्टर गएराति दुर्घटना हुँदा ट्रयाक्टरले च्यापिएर एक व्यक्तिको ज्यान गएको र उनको परिचय नखुलेको प्रहरीले जनाएको छ ।

इलाका प्रहरी कार्यालय लुहाम र कपुरकोट प्रहरी चौकीबाट गएको प्रहरी टोलीले ट्रयाक्टर निकाल्ने प्रयास गरेको छ । ट्रयाक्टर सडकबाट तल खसेको छ ।