धादिङमा जीप दुर्घटना, एक महिलासहित ३ जनाको मृत्यु

धादिङ, १ पुस । पुथ्वीराजमार्ग अन्तर्गत धादिङको भूमेस्थान ५, कोइरालेमा स्कारपियो जीप दुर्घटना हुँदा एक महिलासहित ३ जनाको मृत्यु भएको छ । जीप सडकबाट करीब १ सय मिटर तल खेतमा पुगेको थियो ।

ग २ च ४५ ७२ नम्बरको जीप दुर्घटनामा जीपमा सबार दुई पुरुष र एक महिलाको मृत्यु भएको छ । मृत्यु हुनेमा लमजुङ गाउँशहर–६ का २५ वर्षीय माधव धिताल र वेंसीशहर– १४ का ३१ वर्षीय विष्णुबहादुर रावतको सनाखत भएको छ । मृतक महिलाको सनाखत हुन नसकेको प्रहरीले जनाएको छ ।