काठमाडौं, १३ मंसिर । संविधान संशोधन प्रस्ताव अन्तिम समयमा आएर रोकिएपछि सत्तारुढ प्रमुख दुई दल नेपाली कांग्रेस र नेकपा माओवादी केन्द्र आन्तरिक छलफलमा जुटेको छ ।
कांग्रेस संसदीय दलको कार्यालय सिंहदरबारमा जारी कांग्रेस पदाधिकारी बैठकमा पूर्व पदाधिकारीहरुको समेत उपस्थिति छ । बैठकमा संविधान संशोधन प्रस्तावको विषयमा छलफल भइरहेको एक पदाधिकारीले बताए । यसअघि कांग्रेस सभापति देउवाले आइतबार नै संविधान संशोधन प्रस्ताव दर्ता हुने दाबी गरेका थिए ।