पुरन्धारामा बेसार खेती

हापुरे, ३० कार्तिक । पुरन्धाराका महिलाहरुले ब्यबसायिक रुपमा बेसार खेती सुरु गरेका छन् । नेपाल महिला मगर कृषक समूहको नाममा दश विगाहा जग्गामा बेसार खेती गरेका हुन् ।

उनीहरुले हापुरेमा रहेको एक सहकारी सस्थाको जग्गा लिजमा लिएर बेसार खेती गरेका हुन् । समुह मार्फत् उनीहरुले २२ लाख बराबरको बेसार खेती गरेका हुन् । उनीहरुलाई रिदम नेपालले ११ लाख सहयोग गरेको छ ।

पुरन्धाराका २८ जना महिलाहरुले संयुक्त रुपमा बेसार खेती गरेको समुहकी अध्यक्ष सुमित्रा रानाले जानकारी दिईन् । उत्पादन भएको बेसार धुलो र सुठो बनाएर विक्री गर्ने समुहले जनाएको छ ।