बाघको आक्रमणमा एक जनाको मृत्यु

नवलपरासी, ३० कातिर्क । बाघको आक्रमणबाट नवलपरासीमा एकजनाको ज्यान गएको छ । कावासोतीस्थित शिव सामुदायिक वनको रातमाटे जङ्गलमा घाँस काट्न गएका कावासोती– ११ बुढौलीकुनाका ४५ वर्षका डिलबहादुर श्रेष्ठको बाघको आक्रमणबाट ज्यान गएको हो ।

जङ्गलमा घाँस काट्न भनी सोमबार बिहान घरबाट निस्केका श्रेष्ठ सोमबार राति जङ्गलमा मृत अवस्थामा फेला परेका थिए । श्रेष्ठको शव बाघको आक्रमणबाट क्षतविक्षत अवस्थामा फेला परेको थियो ।