स्कुल वस दुर्घटनामा १७ विद्यार्थी घाइते

कञ्चनपुर, २४ कार्तिक । कञ्चनपुरको झलारीपिपलाडी– ११ कलुवापुरमा बुधकार बिहान स्कुल बस दुर्घटना भएको छ । दुर्घटनामा १७ विद्यार्थी घाइते भएका छन् । झलारी बजारमा रहेको चन्द्रसूर्य बोर्डिङ स्कुलको म १ ख ६०७ नं को स्कुल बस कलुवापुरमा ट्रिपरलाई साइड दिने क्रममा दुर्घटना भएको हो ।

बस दुर्घटनामा परी विद्यालयका प्रिन्सिपल रञ्जीत चन्दसहित १७ जना विद्यार्थी घाइते भएको झलारीस्थित इलाका प्रहरी कार्यालयले जनाएको छ । घाइतेहरुको झलारीस्थित मेडिकल तथा क्लिनिकहरुमा उपचार भइरहेको छ । दुर्घटनालगत्तै बस चालक भने फरार भएका छन् ।