विस्फोटमा परी एक जनाको मृत्यु

टोकियो, ८ कार्तिक । जापानको राजधानी टोकियोबाट करिब १ सय किलोमिटर उत्तरमा पर्ने उत्सुनोमियामा बम विस्फोट भएको छ । विस्फोटनमा परी एक व्यक्तिको मृत्यु हुनुको साथै अन्य दुई घाइते भएका छन्।

एक पार्कमा महोत्सव चलिरहेका बेला भएको उक्त विस्फोटन के कति कारणले गराइएको हो, सो भने तत्काल प्रष्ट नभएको बताइएको छ। विष्फोट स्थानीय समयाअनुसार आइतबार ११ः३० बजे बिहान भएको थियो ।