दीपबहादुर घर्ती
जाजरकोट, ५ कार्तिक । यस वर्ष जाजरकोट जिल्लामा मह वर्ष मनाईने भएको छ । महको बजारीकरण गर्नका लागि यस वर्ष मह बर्ष मनाईने भएको हो । मौरी र मह उत्पादनका लागि मध्यपश्चिमकै सम्भावनायुक्त जाजरकोट जिल्लामा उत्पादित महको वजारीकरणलाई सुव्यवस्थित गर्न यस वर्ष मह बर्ष मनाउनु पर्ने बरिष्ठ कृषि विकास अधिकृत डा.श्रीराम घिमिरेले वताए ।
राष्ट्रिय स्तरमै महको वजारीकरण गर्नका लागि महमा शुद्धता हुनु पर्ने वताउदै डा. घिमिरेले महको शुद्धताका लागि यसवर्ष जिल्लाका सम्पुर्ण मौरी पालक कृषकहरुलाई ज्ञान र सिप सम्वन्धी तालिम दिनु पर्ने वताए । साथै महको उपगोगितावाट मानव जीवनमा प्राप्त हुने पोषणकावारेमा पनि किसानहरुमा जनचेतना जागृत गर्नु पर्ने वताए । कार्यदलको वैठकको अध्यक्षता समेत गरेका डा. घिमिरेले मौरी किसानलाई ज्ञान तथा सिप सिकाउन महको ग्रिडिङ्ग र प्याकेजिङ्ग गर्न सिकाउनु पर्ने वताए भने्, महको वजार खोजी गर्न यसै वर्ष भित्र सरकारी तथा निजी क्षेत्र लाग्नु पर्ने वताए ।
महको वजारलाई व्यवस्थित गर्न जिल्लाका विभिन्न ठाउँमा मह संकलन केन्द्र र कोशेली घर स्थापना तथा निर्माण गर्नुका साथै त्यहाँ चाहिने उपकरणहरुको व्यवस्थापन गर्नु पर्ने वताए । साथै यसै वर्ष भित्र जिल्लामा भएका घरपालुवा तथा जंगलमा रहेका मौरीहरुको तथ्याङ्क संकलन गर्नु पर्ने वताए । किसानहरुलाई यसै वर्षमा मेलिफेरा मौरी पालनको अध्ययन भ्रमण गराउनु पर्ने वताए ।
जिल्लामा मनाउन लागिएको मह वर्षलाई अझ व्यवस्थित र श्रृजनात्मक वनाउन आगामी कार्य दलको वैठकले ठोस निर्णय गर्दै जाने वताईएको छ । कार्य दलको आगामी वैठक यही कार्तिक २४ गर्ते वस्ने निर्णय गरिएको छ । आगामी बस्ने कार्यदलको वैठकले मह बर्ष मनाउनलाई गरिने क्रियाकलापका लागि चाहिने वजेटको पनि व्यवस्था गर्ने वताईएको छ ।
जिल्लाको मौरी पालन व्यवसायलाई वातावरण मैत्री र महिला मैत्री वनाउदै लिनु पर्ने वताईएको छ । त्यसका लागि मह वर्ष आयोजक समितिको कार्यदलमा जिल्ला वन कार्यालय, नेपाल जलवायु परिवर्तन सहयोग कार्यक्रम र महिला विकास कार्यालयलाई पनि समावेश गर्नु पर्ने वताईएको छ । गत वर्ष सम्पन्न ९ औं जिल्ला परिषदको निर्णय अनुसार यस वर्ष जाजरकोटमा मह वर्ष मनाउन लागिएको हो ।
जिल्ला कृषि विकास कार्यालयले मौरीको पकेट क्षेत्रका रुपमा जिल्लाको खलंगा, डाडाँगाउँ, लहँ, खगेनकोट, झाप्रा र मजकोटलाई मान्दै आएको छ । जिल्लाको विभिन्न ठाउँमा मौरीको मात्र जाजरकोटमा ४३ मेट्री टन मह उत्पादन हुने तथ्याङ्क सार्वजनिक गरिएको छ । हाल सम्म जिल्लाका किसानहरुले पालन गर्दै आएको मौरी सेराना जातको रहेको छ । जिल्लाका किसानहरुले आधुनिक, मुँढे तथा खोपे घारमा मौरी पालन गर्दै आएका छन् ।