के भने-पूर्वराजा ज्ञानेन्द्रको सार्वजनिक सम्बोधनमा

काठमाडौं, ४ कार्तिक । पूर्वराजा ज्ञानेन्द्र शाहले हिन्दु धर्म र दर्शन विश्वकै निम्ति अनुकरणीय रहेको बताएका छन् । अन्तराष्ट्रिय विराट हिन्दु महासम्मेलनलाई आज राजधानीको बनकालीमा सम्बोधन गर्दै उनले हिन्दुधर्मको विशेषता भनेकै शान्ति र मौलिकता रहेको बताए ।

पवित्र पाश्वत क्षेत्रमा सन्त महन्थ मठाधिशलगायत आउनु आफैंमा ठूलो हुने हो भन्दै उनले धर्मले राष्ट्र समाजलाई एकताको सूत्रमा बाध्न सहयोग पुर्याउने बताए ।

उनले धर्ममा वैदेशिक हस्तक्षेप बढेको उल्लेख समेत सो अवसरमा उल्लेख गर्दै धर्म संस्कृतिमा कालो बादल मडारियो, यसलाई सुसंस्कृत बनाउन एकताबद्ध हुनुको विकल्प नरहेको बताए ।