दशै अन्र्तगत आज नवरात्र

दाङ २१ असोज ।  दशै अन्र्तगत आज नवरात्रअन्तर्गत षष्ठी तिथिका रुपमा मनाइदैछ । शक्ति स्वरुपा देवी कात्यायनी माता भवानीको विशेष पूजा आराधना गरिँदैछ । कात्यायनी भगवतीको पूजाका लागि देशका शक्तिपीठ तथा मन्दिरहरुमा दर्शनार्थीको घुईंचो लागेको छ । अष्टमातृका भगवतीको छैठौं शक्तिका रुपमा प्रार्दुभाव भएकी कात्यायनी भगवतीको पूजा गरे रोग, शोक, भय, दुःख दरिद्रजस्ता संकट नाश हुने धार्मिक विश्वास रहेको पाइन्छ ।

धर्मशास्त्रमा उल्लेख भएबमोजिम प्राचिन युगमा कात्या नाम गरेका महर्षिका छोरा कात्यायान ऋषिको छोरीको रुपमा भगवतीले जन्म लिएको हुनाले उनको नाम कात्यायिनी रहन गएको कथन छ । तिनै कात्यायिनीले महिशासुरको बध गरेको शास्त्रीय मान्यता छ । आश्विन शुक्ल प्रतिपदाका दिन घटस्थापना गरी सुरु भएको दशैंमा पूर्णिमासम्म दुर्गा भवानीको पूजा गरिन्छ ।

उपत्यकाका गुहेश्वरी, दक्षिणकाली, कालिकास्थान, मैतीदेबी, इन्द्रायणी, तलेजु भवानी, विजेश्वरी, शोभा भगवती, नक्साल भगवती र भद्रकालीमा भक्तजनको भिड लागेको छ ।