दशैका लागि आजदेखि नयाँ नोट

काठमाडौं, १६ असोज । राष्ट्र बैंकले आजदेखि नयाँ नोट साट्दैछ । दसैँमा नयाँ नोटको कारोबार बढी हुने भएकाले राष्ट्र बैंकले हरेक वर्ष नोट सटहीको व्यवस्था मिलाउँदै आएको छ ।

मुद्रा व्यवस्थापन विभाग थापाथलीबाट नयाँ नोट साट्न सकिने राष्ट्र बैंकले जनाएको छ । जेष्ठ नागरिक तथा अशक्तका लागि छुट्टै काउन्टरको व्यवस्था गरिएको छ । लाइन बसेकालाई पहिले कुपन दिने र कुपनको आधारमा नयाँ नोट वितरण गर्ने विभागले जनाएको छ ।

एकजनाले बढीमा ३७ हजार रुपैयाँसम्मको नोट साट्न पाउनेछन् । राष्ट्र बैंकले निजी बैंक तथा वित्तीय संस्थालाई भने यसअघि नै नयाँ नोट उपलब्ध गराइसकेको छ । काठमाडौं बाहिरका बैंकबाट पनि नयाँ नोट साट्न पाइने व्यवस्था मिलाइएको राष्ट्र बैंकले जनाएको छ ।