मोटरसाइकल दुर्घटनामा एकजनाको मृत्यु

वुटवल, ९ असोज । रुपन्देहीमा भएको मोटरसाइकल दुर्घटनामा एकजनाको ज्यान गएको छ भने अर्का एकजना घाइते भएका छन् ।
प्रहरीका अनुसार असुरैना–९ का १७ वर्षका त्रिवेणी केवटको लु १५ प १२२८ नम्बरको मोटरसाइकल दुर्घटना हुँदा ज्यान गएको हो ।

तीब्र गतिमा रहेको मोटरसाइकल रोकिराखेको लु १ ख ३३१२ नम्बरको बसमा शनिबार बेलुका ठोक्किएर दुर्घटना भएको हो । घाइते असुरैनाकै २८ वर्षका गोविन्द कुर्मीको स्थानीय अस्पतालमा उपचार भइरहेको छ ।