नारायणपुर, ३ असोज । न्यू स्टार फुटवल क्लब नारायणपुरको आयोजनामा नारायणपुरमा सम्पन्न त्रिपुर नगरपालिका स्तरिय खसीकप फुटबल प्रतियोगीतामा नगर युवासञ्जालले विजयी भएको छ । हिजो आईतवार सम्पन्न फाईनल खेलमा आयोजक न्यू स्टार फुटबल क्लबलाई १ का विरूद्ध २ गोलले पराजित गर्दै विजयी भएको हो ।
प्रतियोगिताका विजयीहरूलाई एक कार्यक्रमको आयोजना गरि पुरस्कार प्रदान गरिएको थियो । क्लबका अध्यक्ष खुमबहादुर वलीको अध्यक्षता तथा जिल्ला फुटबल क्लबका अध्यक्ष पुकार थापाको प्रमुख आतिथ्य र सगरमाथा सिमेन्टका दाङ डिलर प्रमुख डा. अर्जुन बुढाथोकीको विशिष्ठ आतिथ्यमा भएको कार्यक्रममा प्रतियोगीता सफल बनाउनकालागी सहयोग गर्ने सहयोगीहरूलाई कदर पत्र प्रदान गरिएको थियो ।
कार्यक्रमको सहजिकरण बालिका लम्सालले गर्नुभएको थियो । प्रतियोगीतामा नगरपालिका भित्रका ८ समुहको सहभागीता रहेको थियो ।