न्याय दिलाई दिन सार्कीको आग्रह

दाङ ३० भदौ ।दाङ लक्ष्मीपुर ८ सुनपुरका रविलाल सार्किले आफुलाई न्याय दिलाई दिन सबैसंग आग्रह गर्नुभएको छ । काभ्रे गाविस ४ अर्जामा रहेको आफ्नो पुख्र्यौली सम्पती केहि ब्यक्तिहरुले हडपेको लामो समय भैसक्दा समेत आफुले न्याय नपाएको पीडित सार्किले बताउनुभयो । २०६० साल असोजमा काभ्रे गाविसबाट आफु विस्थापित भई लक्ष्मीपुर झरेको मौका छोपी त्यहाका केहि व्यक्तिहरुले दुई वटा घर, एउटा गोठ, एउटा बाख्राको खोर भत्काएर लाखौ मुल्य बराबरको काठ जफत गरेको सार्कीको भनाइ छ ।साथै २०६२ सालमै आफ्नो करिब ९ रोपनी जग्गा क्षेत्रमा लगाईएका ४५ वटा ठुला रुखहरु समेत कटान गरेर लगेको उहाँले वताउनुभयो ।।