बालबालिकाको क्षेत्रका काम सन्तोषजनक छैन : भण्डारी

काठमाण्डौ, २९ भदौ । राष्ट्रपति विद्यादेवी भण्डारीले बालबालिकाको विकासमा केहि उपलब्धी मुलक काम भएता पनि सो कार्य सन्तोषजनक नभएको बताउनु भएको छ । राष्ट्रिय बाल दिवसको अवसरमा राजधानीमा आज आयोजित कार्यक्रमको उदघाटन गर्दै राष्ट्रपति भण्डारीले बालबालिका अहिले पनि शारिरीक तथा मानसिक हिंसाबाट मुक्त हुन नसकेको वताउनुभयो ।गरिबी, सामाजिक कुरिति आदि कारणले पनि बालबालिका आफुले पाउने हक अधिकारबाट वञ्चित हुनुपरेको उहाँको भनाई थियो । बालबालिकाको विकासका लागि विभिन्न नीति नियम निर्माण भएपनि उचित कार्यन्वयन नभएकाले उनीहरूको हक अधिकार कुण्ठित भएको राष्ट्रपति भण्डारीले उल्लेख गर्नुभयो ।

बालबालिकाका लागि लगानी गरे भोलि दक्ष र उर्जा्शिल जनशक्ति उत्पादन हुने भन्दै बालबालिकाको उच्च शिक्षा, स्वास्थ्यमा लगानी बढाउनुपर्ने उहाँको धारणा थियो । यसैविच, प्रधानमन्त्री पुष्पकमल दाहाल प्रचण्डले बालबालिकाको क्षेत्रमा गरिने लगानीले राष्ट्रको भविष्य निर्धारण गर्ने बताउनुभएको छ ।

बाल दिवसका अवसरमा शुभकामना सन्देश दिँदै प्रधानमन्त्रीले देशको राजनीतिक परिवर्तनसँगै सबैको प्रयत्नमा बाल अधिकारको क्षेत्रमा धेरै कार्यहरु भएको बताउनुभएको छ ।।