इन्द्रेणी संवाददाता
लमही, २८ भदौ । राष्ट्रिय प्रजातन्त्र पार्टी नेपालका अध्यक्ष कमल थापाले मधेसीका समस्या आपसी सहमतिमा समाधान गर्न सकिने बताएका छन् । आज दाङको लमहीमा आयोजना गरेको बृहत जनसभालाई सम्बोधन गर्दै थापाले सबै दलको सहमतिमा समस्या समाधानको खोजी गर्न सकिन बताए ।
सभाका प्रमुख अतिथि समेत रहेका अध्यक्ष थापाले यसअघिको सरकारमा रहदा नेपाललाई भारतले लगाएको नाकावन्दीको समस्या समाधान गर्न आफूले परराष्ट्रमन्त्रीको हैसेतले समाधानका लागि पहल गरेकोसमेत दावी गरे ।
क्षेत्रीय सभापति विनोद केसीको अध्यक्षतामा भएको जनसभामा राप्रपा नेपालका केन्द्रिय स्तरका नेताहरुले सम्वोधन गरेका थिए । महामन्त्री राजेन्द्र लिङ्देल, धवल समशेर राणा, केन्द्रिय सदस्य सुशील श्रेष्ठ, चार नम्वर प्रदेशका संयोजक हेमजंग गुरुङ्ग, केन्द्रिय सदस्य रमानन्द न्यौपानेलगायतले बोलेका थिए ।