इन्द्रेणी संवाददाता
दाङ, २८ भदौ । मेहनत गर्न सके घरमै सुन फलाउन सकिन्छ भन्ने उदाहरण दाङका एक कृषक बनेका छन् । दाङको पहाडी गाविस काभ्रे–४ बाँघी निवासी दोर्ण केसीले आफ्नै वारीमा व्यवसायिक टमाटर खेती गरेर वर्षेनी राम्रो आम्दानी गर्दै आएका छन् ।
कृषक केसी पैसा कमाउन २० वर्षसम्म भारतको चण्डिकटको एक होटलमा काग गरे । तर उनले भनेको जति पैसा कमाउन सकेनन् । होटलमा प्रायको खप्की खानु मात्रै उनको हात प¥यो । अनि उनी त्यहाँ गरेको मेहनेतलाई आफ्नै घरमा आएर प्रयोगमा ल्याए । त्यहाँ गर्ने मेहनेत आफ्नै वारीमा गर्दा त्यहाँको भन्दा राम्रो आम्दानी गर्न सकिने अनुभव भएको केसीले बताउछन् । ‘मेहनेत गर्न सके घरमै सुन फलाउन सकिदो रहेछ, अहिले मलाई यो व्यवसायिबाट त्यस्तै महसुस भइरहेको छ’, उनले भने ।
२० वर्षसम्म चण्डिकटमा कमाएको २०÷३० हजार रुपैयाँको लगानीमा गरेको व्यवसायिक टमाटर खेतीबाट केसीले आफूले मात्रै आम्दानी गरेका छैनन् । उनले मासिक १५ हजार तलव दिएर गाउँका तीन जनालाई रोजगारी पनि दिएका छन् । अहिले कृषक केसीले आफूले उत्पादन गरेको टमाटर स्थानीय कमिरेचौर बजार र घोराही बजारसम्म ल्याएर विक्री गर्दै आएको छन् । टमाटर खेतीको लागि राम्रो सम्भावना भएकाले आफूले अझै ठूलो परिमाणमा टमाटर उत्पादन गर्न सकिने र त्यसका लागि बजार व्यवस्थापनको केही समस्या देखिएको उनको भनाइ छ । पहिलो पटक ठूलो परिमाणमा काभ्रेमा व्यवसायिक टमाटर खेती गरेर केसी त्यहाँ चर्चित पनि भएका छन् ।