कक्षा १२ को परीक्षाफल आज 

काठमाण्डौ, २७ भदौ ।
राष्ट्रिय परीक्षा बोर्डले कक्षा १२ को परीक्षाफल आज सार्वजनिक गर्दैछ । बोर्डका निमित्त परीक्षा नियन्त्रक सन्तोष अर्यालले सबै तयारी पुरा भएकाले आजै बेलुकासम्म परीक्षाफल सार्वजनिक गर्ने बताउनुभयो । मानविकी, ब्यवस्थापन, शिक्षा लगायतका सबै संकायको नतिजा सार्वजनिक हुने जनाइएको छ । गत साउन २३ गते विज्ञान संकायको परीक्षाफल सार्वजनिक भएको थियो ।कक्षा १२ को परीक्षामा ३ लाख ४६ हजार ४ सय २७ परीक्षार्थी सहभागि थिए । शिक्षा ऐन लागु भएसँगै उच्च माध्यमिक शिक्षा परिषद खारेज भएर परीक्षा बोर्ड गठन भएको हो ।।