केशव भुल
काठमाण्डौ, २७ भदौ । बाहुलीगाड बाढी क्षति न्यूनिकरण तथा सदरमुकाम वचाउ अभियान बझाङले ४ बूदे मागसहित सरकारको ध्यानाकर्षण गराएको छ । गएको असार ३१ गते बाहुलीगाडमा आएको भिषण बाढीले झोलुङगे पुल बगाएपछि सदरमुकामबासीहरु त्रासपुर्ण वातावरणमा बसिरहेको भन्दै सदरमुकामबासीले आफ्नो सुरक्षाको माग गर्दै सरकारको ध्यानाकर्षण गराएका हुन् ।
उनिहरुले बाहुलीगाडक्षेत्रमा तत्काल तटबन्धन गर्नुपर्ने, भत्कीएको झोलुङेपुल निर्माण गर्नुपर्ने भन्दै जिल्ला प्रशासन हुदै, विभिन्न मन्त्रालय र प्रधानमन्त्रीलाई ज्ञापन पत्र पेश गरेका छन् । यस्तै चैनपुर वचाउ अभियानमा आएको रकम यसै आर्थीक वर्षबाट काम सुरु गर्नुपर्ने र बाढीपिडीतलाई क्षतिपूर्ती दिनुपर्ने अभियानका अध्यक्ष धर्मराज रासाइलीले बताउनुभयो ।
अभियानले आफ्ना मागहरु पुरा नभए विभिन्न आन्दोलनका कार्यक्रम सुरु गर्ने समेत सरकारलाई चेतावनी दिएका छन् । असार ३१ गतेको बाढीले नजिकै पुलसंगै ३ वटा पसल पनि बगाएको थियो । भने पुलको लठ्ठाले लछारिएर ३ वटा पसल भत्किएका थिए ।।।