मुक्त कमैयाद्वारा अनुदान रकम बढाउन माग

२४ भदौ, काठमाडौं । मुक्त कमैयाहरुले अनुदान रकम बढाएर पाँच लाख र्पुयाउन सरकारसँग माग गरेका छन् । मुक्त कमैया समाजले आज विहान सिंहदरबार पुगेर प्रधानमन्त्री पुष्पकमल दाहाल ‘प्रचण्ड’लाई १२ बुँदे ज्ञापनपत्र बुझाएर जग्गा खरिदका लागि दिइने अनुदान रकम बढाउन माग गरेको हो । सुशील कोइराला नेतृत्वको सरकारले डेढ वर्ष पहिले मुक्त कमैयाहरुलाई जग्गा खरिदका लागि दिने अनुदान रकम १ लाख ५० हजारबाट बढाएर २ लाख रुपैयाँ र्पुयाएको थियो । २ लाख रुपैयाँले जग्गा पाइन छोडेको भन्दै मुक्त कमैयाहरुले अनुदान बढाउन माग गरेका हुन् । जवाफमा प्रधानमन्त्री प्रचण्डले माग सम्बोधनका लागि आफूले सक्दो पहल गर्ने आश्वासन दिनुभयो । समाजका अध्यक्ष पशुपति चौधरीका अनुसार सरकारले अझै ३ हजार ५ सय मुक्त कमैयालाई पुर्नस्थापना गर्न बाँकी रहेको छ ।

समाजको ज्ञापनपत्रमा पहिचान हुन नसकेका छुट मुक्त कमैयालाई तत्काल पहिचान गरेर परिचयपत्र उपलब्ध गराइनुपर्ने, मुक्त कमैयाहरुको निःशुल्क उपचारको व्यवस्था गरिनुपर्ने, मुक्त कमैया महिलाहरुलाई सामाजिक सुरक्षा भत्ताको व्यवस्था गरिनुपर्ने लगायतका