लिलाधर वली
घोराही,२४ भदौ । बेरोजगारीको समस्या देखाउदै दिनहु युवायुवतीहरु विदेशी रहेको समयमा दाङको पहाडी गाविसका एक किसानले टमाटर बचेर तीन लाख बढि आम्दानी गर्नुभएको छ । पहाडी गाविस काभ्रे–४ बाँघि निवासी दोर्ण केसीले आफ्नै बारीमा गरेको व्यवसायीक टमाटर खेतीवाट एक सिजनमा तीन लाख रुपैया बढि आम्दानी गरेको बताउनुभएको छ ।
घरको न्यून आर्थिक अवसस्थाका कारण झण्डै २० बर्ष भारतको चण्डीगढमा होटेलमा काम गर्दै आउनुभएका केसीले विगत छ वर्षदेखि गाउँमा टमाटर खेती गर्दै आउनुभएको छ ।
भारतमा होटेलमा काम गर्दा कमाएको झण्डै २० देखि ३० हजार रुपैयाको लगानीमा दश कट्टा जमिनमा सुरु गर्नुभएको टमाटर खेतीवाट उत्पादन गरेको ४० केजीदेखि लिएर ९० केजीसम्म टमाटर बजारसम्म पु¥याउदै आउनुभएको केसीले बताउनुभएको छ । जसवाट आम्दानी समेत राम्रो आउने गरेको केसी बताउनुहुन्छ । टमाटर खेती सुरु गर्दा सुरुमा केही अप्ठेरो भएपनि व्यवसाय सुरु गरेको केही समयपछि जिल्ला कृषि विकास कार्यालयसँगै कृषिका क्षेत्रमा काम अन्य संघ सस्थाहरुवाट तालिम खेतीगर्नका लागि सहज भएको केसी बताउनुहुन्छ ।
व्यवसायीक रुपमा सञ्चालन गरेको टमाटर व्यवसायवाट राम्रो टमाटर उत्पादन गरेपनि बजारको उचित व्यवस्था नहुदा समस्या भएको केसी बताउनुहुन्ुछ । टमाटर खेतीवाट राम्रो आर्थिक आम्दानी हुने भएपनि पहाडी क्षेत्रमा टाढावाट पानी ल्याउनुपर्ने भएका कारण केही समस्या हुने गरेको उहाँले बताउनुभउको छ । व्यवसायीक रुपमा टमाटर खेतीमा लाग्नुभएका केसीले व्यवसायमा सहयोग गर्नका लागि गाउँका तीन जनालाई मासिक रुपमा १५ हजार रुपैया दिएर रोजगारी समेत प्रदान गर्नुभएको छ । व्यवसायीक टमाटर खेतीका माध्यमवाट गाउँमा चिनिन सफल केसीलाई अहिले भारतमा होटेलमा गरेको दु।ख भन्दा स्वेदशमा आफ्नै मेहनतमा सञ्चलन गरेको आफ्नै व्यवसाय राम्रो लाग्ने गरेको समेत बताउनुभएको छ ।
टमाटर रोप्ने,गोडमेल गर्नेदेखि लिएर उप्पादन भएको टमाटर टिप्नका लागि आफु एक्ले नभ्याउने भएपछि कामदारहरु समेत राख्नु परेको केसीले बताउनुभएको छ । केसीले व्यवसायीक टमाटर खेतीसँगै गोपी खेती समेत गर्दै आउनुभएको छ । टमाटरसँगै केसीले झण्डै पाँच कट्टा जमिनमा व्यवसायीक गोपी खेती समेत गर्दै आउनुभएको छ ।