प्युठान २३ भदौ । जिल्ला कारागार प्युठानमा क्षमता भन्दा बढि कैदी राखिएको छ । महिला पुरुष गरी २५ जना कैदीहरुलाई राख्न सक्ने कारागारको क्षमता भएपनि अहिले दुई बर्षीय बालक सहित १३ महिला र ५६ पुरुष गरि ६९ जना कैदीबन्दी राखिए कारागारका जेलर सुर्य बहादुर पन्तले जानकारी दिनुभयो ।
साथै कैदीबन्दीहरुका लागि आबश्यक सिप मुलक तालिमको लागि आबश्यक ठाउ पनि नभएको जेलर पन्तले बताउनुभयो । जिल्ला कारागार प्युठानमा अहिले सबैभन्दा बढि कर्तव्य ज्यान मुद्दाका कैदीवन्दीहरु रहेको पन्तले बताउनुभयो । कारागगारको स्वामित्वमा प्युठान खलांगामै दुई वटा भवन सहित ५ रोपनी ६ आना जग्गा छ । तर सुरक्षाको हिसाबले उपयुक्त नभएको भन्दै ती भवनमा कैदी राख्न नसकिएको पन्तले जानकारी दिनुभयो ।