इटालीमा शक्तिशाली भूकम्प

ईटाली ८ भदौ । इटालीमा शक्तिशाली भूकम्प गएको छ । इटालीको राजधानी रोम नजिक रहेको शहर पेरुगिएको दक्षिणी क्षेत्र केन्द्रविन्दु भएर ६ दशमलव २ रेक्टर स्केलको भूकम्प गएको अमेरिकी भूगर्भीय सर्वेक्षण युएसजिएसले जनाएको छ ।

नेपाली समय अनुसार बुधबार बिहान ७ बजेर १६ मिनेट स्थानीय समय स् बिहान ३ बजेर ३६ मिनेट जाँदा भूकम्प गएको हो ।

भूकम्पको गहिराई १० किलोमिटर मात्रै रहेको छ । भूकम्पकको धक्का राजधानी रोममा पनि महसुस भएको स्थानीय सञ्चारमाध्यमले जनाएका छन् । रोममा २० सेकेण्डसम्म भवन हल्लिएका थिए । तर अहिलेसम्म मानवीय क्षति भएको खबर आएको छैन ।