इन्द्रेणी संवाददाता
कैलाली, ६ भदौ ।
नेकपा माओवादी निकट अखिल क्रान्तिकारी क्षेत्र न. ५ अत्तरिया कैलालीले कृष्ण बुढामगरको नेतृत्वमा ४५ सदस्यीय मुल इकाई समिति गठन गरेको छ । नेत्रबिक्रम चन्दले नेतृत्व गरेको सो पार्टी निकटको विद्यार्थी संगठन अखिल क्रान्तिकारीले शैलेश्वरी उच्च मा.बि. लालपुरमा उक्त समिति गठन गरेको हो ।
समितिको उपाध्यक्ष पुष्पराज फुलारा, टाप पुन मगर, सह सचिब दिलेश्वरी जोशी, कोषाध्यक्ष मनु चन्द रहनुभएको छ । शिक्षा क्षेत्रमा देखिएको बढ्दो शुल्क खारेजी, दलालिकरण, ब्यापारिकरण, माफियाकरण तथा भ्रष्टीकरणलाई खबरदारी गर्न संगठन बिस्तार अभियान अन्तरगत सो संगठनका कैलाली जिल्ला सचिब बबरजङ सिहको प्रमुख आतिथ्यतामा समिति गठन गरिएको हो ।
यसैगरी नेकपा माओवादी क्षेत्र न.५ का एरिया इन्चार्ज राम भट्ट, रकेट लगायतको उपस्थिति रहेको थियो । कार्यक्रमको संचालन, सभापतित्व तथा समापन एरिया न.५ का संयोजक तथा संगठनका जिल्ला सदस्य महेश पातलीले गर्नुभएको थियो ।।