मदिरा सेवन गरेर नचाहिदो गर्दा प्रहरी खोरमा

दाङ, ५ भदौ । 
दाङमा प्रहरीले मदिरा सेवन गरी अराजक गतिविधि गरेको आरोपमा तीन जनालाई नियन्त्रणमा लिएको छ । ईलाका प्रहरी कार्यालय तुलसीपुरले मदिरा सेवन गरी विरामी बोकेको एम्वुलेन्स, दुईवटा जीप र केही ट्रेक्टरलाई विना कारण ढुङ्गामुढा गरी क्षति पु¥याएको भन्दै ३ जानलाइ नियन्त्रणमा लिएको हो । पक्राउ पर्नेमा तुलसीपुर नगरपालिका २ रक्षाचौर निवासी अभिषेक बुढामगर, बिपिन नेपाली र तुलसीपुर ६ निवासी सुनिल नेपाली रहेका छन । उनीहरुलाई आज दिउँसो रक्षाचौरवाट पक्राउ गरि सार्वजनिक अपराध अन्तरगत मुद्दा चलाईको ईप्रका तुलसीपुरका प्रमुख डिएसपी कृष्ण प्रसाँईले जानकारी दिनुभएको छ ।साथै उनीहरुले वाटोमा भेटिने जो सुकै व्यक्तिलाई विना कारण कुटपिट समेत गर्दै हिडेको प्रहरीले बताएको छ । पक्राउ पर्नेमा १८ देखि २२ वर्ष सम्मको उमेर समुहका छन । प्रहरीका अनुसार पक्राउ परेका तीनै जनाले हिजो वेलुकी तुलसीपुर १ गोटीखोलामा विरामी बोकेको एम्वुलेन्समा ढुङ्गामुढा गरि क्षति पु¥याएका थिए ।

त्यस्तै उनीहरुले तुलसीपुर २ मजुवास्थित सडक खण्डमा स्थानीय सेतिराम विक, रक्षाचौर आँखा अस्पताल नजिक स्थानीय निमबहादुर गिरीलाई समेत कुटपिट गरि घाईते बनाएको डिएसपी प्रसाँईले जानकारी दिनुभयो ।।