pradesh expo

दाङमा प्रदेश एक्स्पो हुने

केएल पीडित
दाङ । प्रदेशवासीको उत्सवको रुपमा ५ नं. प्रदेश सरकारले फागुन १०, ११ र १२ गते दाङमा प्रदेश एक्स्पो गर्ने भएको छ । सरकारको दोस्रो स्थापना दिवसको अवसरमा आयोजन गर्न लागिएको एक्सो संचालनका लागि प्रदेश सरकारले आन्तरिक मामिला तथा कानून मन्त्री कूलबहादुर केसीको संयोकजकत्वमा ३८ सदस्यीय मूल समारोह समिति र ९ वटा उपसमिति गठन गरी तयारी शुरु गरेको छ ।

प्रदेश सरकार स्थापनादेखि हालसम्मका गतिबिधि र उपलब्धिबारे जानकारी दिने, प्रदेशन नं. ५ को बिविधता, उत्पादन, पहिचान, संस्कृति र विकासको स्थितिको जानकारी दिने, ‘समृद्ध प्रदेश, खुशी जनता’को लक्ष्य पूरा गर्न समान उत्साह र समान खुशी पैदा गर्न अभिप्रेरित गर्ने र प्रदेश नं. ५ मा कृषि, पर्यटन, स्वास्थ्य, शिक्षा तथा संस्कृतिको विकासलाई नमूनाको रुपमा स्थापन गरी विकासमा उत्साह ल्याउने एक्स्पो आयोजनाको मूल उद्देश्य रहेको संयोजक एवं मन्त्री केसीले बताउनु भयो ।

एक्स्पोलाई ५ नं. प्रदेशवासीको उत्सवको रुपमा संचालन गर्न थालिएको बताउँदै मन्त्री केसीले प्रदेश सरकारको दुई वर्षको उपलब्धिसहित ५ नं. प्रदेशका १२ जिल्लाको मौलिक ज्ञान, सीप, लोककला, स्थानीय उत्पादन, स्थानीय खाना र नवीन प्रविधिको प्रस्तुती एवं प्रदर्शन गरिने जानकारी दिनु भयो ।

एक्सोपमा योगा, ध्यान शिविर, विशेषज्ञ डाक्टरद्वारा मुटु र क्यान्सर रोगको निःशुल्क उपचार, शैक्षिक एवं वैज्ञानिक कार्यक्रमहरु, युवा तथा बालबालिकाहरुका लागि नवीन खेलहरु, प्रदेश ५ का नाच, दोहरीगीत, सारंगी वादन, झाँकी, चर्या नृत्य सहित २ वटा मण्डला निर्माण गरिने भएको छ । एक्स्पोमा ५० वटा सरकारी स्टल र करीब ५ सय जति अन्य स्टलहरु रहने जनाइएको छ ।

About Kesharman Bc

Social Media Auto Publish Powered By : XYZScripts.com