20190924_121121

अंकितको स्कुल पुग्दा किन भावुक भइन सम्रागी ?

काठमाडौं । पछिल्लो समय फिल्म निर्माणमा परिवर्तन आएसँगै प्रचारशैली पनि फेरिएका छन् । निर्माता निर्देशक अचेल फिल्म प्रचारका लागि भिडभाड हुने ठाउँ भन्दा पनि स्कुल कलेज छिर्न थालेका छन् ।

केही निर्माता निर्देशक दर्शकको सेन्टिमेन्टस् क्याच गर्न आफू अथवा कलाकार पढेको स्कुलमा समेत फिल्म प्रचारका लागि पुग्ने गरेका छन् ।

यस्तै गरेको शुक्रबारबाट प्रदर्शनमा आउने फिल्म ‘रातो टिका निधारमा’ युनिटले पनि । युनिटले सोमबार फिल्मका अभिनेता अंकित शर्माले अध्ययन गरेको काभ्रेको पनौतीस्थित मल्पी इन्टरनेशनल स्कुलमा पुगेर फिल्मको प्रचार गरेको छ ।

अभिनेत्री साम्राज्ञी राज्य लक्ष्मी शाहसहित सो स्कुलमा पुगेका युनिटले विद्यार्थीसँग अन्तरक्रिया समेत गरेको थियो ।

कार्यक्रममा अभिनेता अंकितले आफू पढेको स्कुलको विद्यार्थीसँग विजयादशमीको शुभकामना आदान प्रदान गर्नुका साथे फिल्म अभिनय अनुभव समेत शेयर गरेका थिए ।

‘हामीले बाबुआमाको करकापमा यस्तो बन्ने, उस्तो बन्ने भनेर पढ्नु भन्दा पनि आफूलाई जुन विषय र क्षेत्रमा इच्छा जाग्छ, त्यतैतिर लाग्नुपर्छ । तब मात्र सफलता मिल्छ ,’ अंकितले भने ।

कार्यक्रममा अभिनेत्री साम्राज्ञी सबैको आकर्षणको केन्द्र बनेकी थिइन् । बिद्यार्थीले उनीसँग सेल्फी खिचाउन तछाडमछाड गरेका थिए ।

कार्यक्रममा साम्राज्ञी बाल्यकालको होस्टल जीवन सम्झिएर भावुक समेत भइन् । उनले होस्टल जीवनमा सबैभन्दा बढी परिवार मिस हुने सो अवसरमा बताइन् ।

रिलिजको केही दिनमात्र बाँकी रहँदा यो फिल्म युनिटले स्कुल कलेज प्रचार तीब्र बनाएको छ ।

अशोक शर्माको निर्देशन रहेको फिल्ममा साम्राज्ञी र अंकितका अलावा रविन्द्र झा, नीता ढुंगाना, खुस्बु खड्का, बुद्दि तामाङ, बसुन्धरा भुषाल, शिवहरि पौडेल, जयनन्द लामा, लक्ष्मी गिरी, अरुणा कार्की, राजराम पौडेल, कमला रेग्मीलगायतका कलाकारले पनि अभिनय गरेका छन् ।

About Kesharman Bc

Social Media Auto Publish Powered By : XYZScripts.com